Ош жана Баткен шаарларында көп функциялуу “Өнүгүү борбору” ачылды..
2022-жылдын 14-октябрында Ош облусунун Ноокат районундагы Борко айылында көп функционалдуу “Өнүгүү борборун” ишке киргизүү аземи болуп өттү.
Ачылыш аземине «Гуд Нейборс Интернэшнл» эл аралык уюмунун Кыргыз Республикасындагы директору Джун Хонг Су, Корея Республикасынын Кыргыз Республикасындагы элчиси Ли Вон Чже, KOICA (Корея Эл аралык Кызматташтык Агенттиги) өкүлчүлүгүнүн директору Ли Жонг Су, Кыргыз Республикасынын Президентинин Ош облусундагы ыйгарым укуктуу өкүлүнүн орун басары Толтоев Эрнис, ошондой эле эки өлкөнүн мамлекеттик кызматкерлери жана долбоордун жетекчилери катышышты.
Борко айылындагы борбордун ачылышынан кийин Чоң-Алай, Араван, Баткен жана Кадамжай райондорунун айылдарында да көп функционалдуу “Өнүгүү борборлору” өз ишин баштады. Белгилей кетсек, жалпысынан Ош жана Баткен облустарынын 30 айылында 30 объектти ишке киргизүү пландалууда.
Өнүктүрүү борборлору KOICA тарабынан каржыланган жана «Гуд Нейборс Интерэшнл» уюму тарабынан Кыргыз Республикасынын Айыл чарба министрлиги менен биргеликте ишке ашырылып жаткан «Кыргыз Республикасындагы айылдарды комплекстүү өнүктүрүү» долбоорунун бир бөлүгү болуп саналат.
Айыл тургундары борборду ар кандай иш-чараларды өткөрүү аркылуу– жолугушуулар, тренингдер, семинарлар, курстар, ийримдер ж.б. өздөрүнүн потенциалын өнуктуруу жана социалдык абалын чыңдоо максатында колдоно алышат. Өнүктүрүү борбору ошондой эле кыска мөөнөттүү бала бакча катары кызмат кылат, бул ата-энелерге балдарын социалдык жана экономикалык иштерге бош убакыт бөлүү үчүн убактылуу тарбиячылардын кароосуна калтырууга мүмкүнчүлүк берет.
2023-жылдан баштап долбоор «Бакча» программасын ишке ашырат (программага шилтеме), ал «Өнүгүү борборлорунда» өткөрүлөт.
Ошол эле учурда Кыргыз Республикасында 2021-жылдын сентябрынан 2025-жылдын декабрына чейин 655 миллион сомдук «Кыргыз Республикасындагы айылдарды комплекстүү өнүктүрүү» долбоору ишке ашырылууда. Долбоор Ош жана Баткен областарынын 10 айыл өкмөтүндөгү 30 айылдын 85 миң тургунуна жардам көрсөтүүгө багытталган.
Кыргыз Республикасындагы «Гуд Нейборс Интернэшнл» эл аралык уюму аялдардын укуктарын жакшыртуу жана алардын мүмкүнчүлүктөрүн кеңейтүү жаатындагы ишин улантууну пландаштырууда.
Кыргыз Республикасындагы Гуд Нейборс Интернешнл Кыргыз Республикасынын Эмгек, социалдык камсыздоо жана миграция министрлигине караштуу стационардык социалдык мекемелерге — Сокулук балдарды реабилитациялоо борборуна жана Беловодск балдардын психоневрологиялык социалдык стационардык мекемесине реабилитациялык жана медициналык жабдууларды өткөрүп берди. Өткөрүлгөн жабдуулардын жалпы наркы 20 000 АКШ долларын түздү.
Учурда аталган мекемелерде туруктуу жашап, реабилитациядан өтүп жаткан 295 майыптыгы бар бала бар. Алар туруктуу медициналык жана реабилитациялык колдоого муктаж. Өткөрүлүп берилген жабдуулар балдарга жана майыптыгы бар адамдарга көрсөтүлүүчү реабилитациялык жана медициналык кызматтардын сапатын жогорулатууга, ошондой эле алардын калыбына келүүсү, өнүгүүсү жана социалдык адаптациясы үчүн коопсуз жана ыңгайлуу шарттарды түзүүгө багытталган.
Жабдууларды расмий тапшыруу аземине Кыргыз Республикасындагы Гуд Нейборс Интернешнл уюмунун директору Чо Сунхёнг, Кыргыз Республикасынын Эмгек, социалдык камсыздоо жана миграция министрлигинин орун басары Айнура Джантаевна Орозбаева, Сокулук ССУнун директору Б.Ш. Туманова, Беловодск ССУнун директору А.А. Асанов, ошондой эле аталган мекемелердин кызматкерлери катышты.
КРдагы Гуд Нейборс Интернешнл уюмунун директору Чо Сунхёнг өз сөзүндө бул колдоо уюмдун майыптыгы бар адамдардын укуктарын илгерилетүүгө, социалдык биримдикти чыңдоого жана инклюзивдүү коомду өнүктүрүүгө болгон туруктуу берилгендигин дагы бир жолу тастыктарын белгиледи. Кыргыз Республикасынын Эмгек, социалдык камсыздоо жана миграция министрлиги менен тыгыз кызматташуунун алкагында Гуд Нейборс ар бир адам сапаттуу социалдык жана медициналык кызматтарга тең жеткиликтүүлүккө ээ болгон чөйрөнү түзүүгө салым кошуп келет.
Кыргыз Республикасындагы Гуд Нейборс Интернешнл мындан ары да социалдык инклюзияны өнүктүрүүгө, калктын аярлуу катмарларын колдоого жана Кыргыз Республикасындагы социалдык коргоо тутумун бекемдөөгө багытталган ишмердүүлүгүн улантат.
Гуд Нейборс Кырыгызстан Шин Дон Мин программасына арыздарды кабыл алуу мөөнөтүнүн узартылганын жарыялайт.
Арыздарды кабыл алуунун жаңы мөөнөтү: 20-октябрь, 2025-жыл, 23:59 (Бишкек) электрондук куржунга жиберүү керек
Сиздерди арызды туура толтуруу жана документтерди чогултуу боюнча кененирээк түшүндүрмө алуу үчүн маалыматтык сессияга чакырабыз.
Убактысы: 15-октябрь, 17:00 - 18:00.
Сессияга шилтеме
Информационная сессия Шин Дон Мин | Присоединиться к собранию | Microsoft Teams
ШИН ДОН МИН СТИПЕНДИЯСЫНА АРЫЗ БЕРҮҮ НУСКАМАСЫ
Долбоордун аталышы: Шин Дон Мин стипендиялык программасы
Стипендиялардын саны: 4
Гранттын өлчөмү: 36,000 сом
Жаңы Тапшыруу мөөнөтү: 20 октябрь 2025, 23:59(Бишкек) чейин
kyrgyzrepublic@goodneighbors.org
Толтуруy формасы:
https://drive.google.com/drive/folders/1JVoDPZPB1BTtkZC0ARUcNPqQ9nuI1sGr?usp=drive_link
-
- Уюм жөнүндө:
Good Neighbors - 1991-жылдан бери 40 өлкөдө иштеген эл аралык гуманитардык уюм. Уюм жамааттарды өнүктүрүүгө, балдардын укуктарын коргоого жана билим алууга жана саламаттыкты сактоого жеткиликтүүлүктү кеңейтүүгө багытталган. Кыргызстанда Good Neighbors 2014-жылдан бери айыл аймактарын социалдык жана экономикалык жактан өнүктүрүү, жашоо шартын, балдардын жана аялдардын укуктарын жакшыртуу, ошондой эле калктын экономикалык бакубаттуулугун колдоо менен иштеп келет. Уюм жергиликтүү жамааттар жана бийлик органдары менен активдүү кызматташат, болгон өнөктөштүктү бекемдейт жана жаңыларын түзөт. Азыр Good Neighbors коомчулукту өнүктүрүү боюнча бир нече долбоорлорду, анын ичинде Корея эл аралык кызматташтык агенттиги (KOICA) менен көп жылдык долбоорду ишке ашырууда.
-
- Жалпы жобо
Стипендиялык программа айыл жериндеги жаштарга университет жана колледждерге кирүү үчүн каржылык колдоо көрсөтүп, 1-жылдык окуу акысын жарым-жартылай же толугу менен жабат. Сынак 2025-жылдын сентябрында университеттин/колледждин биринчи курска кирген, демөөрчү жана мурунку демөөрчү болгон балдар үчүн ачык. Бардыгы болуп төрт стипендия бөлүнөт, алардын ар бири 36 000 сомдон. Программа айыл жерлеринен келген студенттердин каржылык жүгүн азайтууга жана сапаттуу билим алууга бирдей мүмкүнчүлүктү камсыз кылууга багытталган. Стипендия университеттин же колледждин окуу акысын төлөө үчүн гана берилет, андыктан жеңүүчүлөр төлөмдү тастыктаган тиешелүү документтерди тапшырышы керек.
-
- Катышуу критерийлери
Өтүнмө ээси төмөнкү талаптарга жооп бериши керек:
- Демөөрчүлүк программасынын учурдагы же мурдагы катышуучусу болуу;
- 2025-2026-окуу жылында күндүзгү университеттин же колледждин биринчи курсунун студенти болуу (контракттык негизде окуугандар үчүн);
- Жашаган жери боюнча төмөнкү айыл өкмөттөрдүн биринде катталууга тийиш:
- Төмөнкү-Чүй айыл өкмөтү (Сокулук району, Чүй облусу);
- Болот Мамбетов айыл өкмөтү (Тоң району, Ысык-Көл облусу);
- Абды Сүйркулов айыл өкмөтү (Токтогул району, Жалал-Абад облусу);
- Үч-Терек айыл өкмөтү (Токтогул району, Жалал-Абад облусу);
- Жапалак айыл өкмөтү;
- Жогорку академиялык жетишкендикке (Ош ш.);
- Окуудан тышкаркы иш-чараларга (волонтердук, клубдар, конкурстар ж.б.) катышуу
-
- Документтерди берүү
Сынакка катышуу үчүн документтердин толук пакетин даярдап, 15-октябрга чейин 2025-жыл, 23:59 (Бишкек убактысы боюнча) электрондук почтага жөнөтүү зарыл kyrgyzrepublic@goodneighbors.org.
Документтердин пакети төмөнкүлөрдү камтыйт:
- толтурулган жана кол коюлган арыз (1-тиркеме); Толтуруy формасы: https://drive.google.com/drive/folders/1JVoDPZPB1BTtkZC0ARUcNPqQ9nuI1sGr?usp=drive_link
- университеттин же колледждин студенти экениңизди тастыктаган күбөлүк/тастыктама;
- окуу акысын тастыктаган документ (окуу формасын көрсөтүү менен келишимдин көчүрмөсү – акы төлөнүүчү же акысыз, же акы төлөнгөндүгү тууралуу квитанция);
- билими тууралуу аттестат (9 — класс үчүн-колледж студенттери үчүн; 11 — класс үчүн-Университеттин студенттери үчүн);
- мугалимдин же мектептин/Университеттин администрациясынын сунуш каты.
-
- Тандоо процесси
Стипендиаттарды тандоо процесси эки этаптан турат:
1-тап. Документтерди текшерүү
- Электрондук почтага жөнөтүлгөн бардык документтер талапка ылайык текшерилет.
- Документтер топтому толук жана туура ирээттелген болгон шартта гана кийинги этапка катышууга уруксат берилет.
- 2-этапка пакетин тапшырган катышуучуларга гана уруксат берилет.
Көңүл буруңуз:
- Бардык документтердин туура толтурулгандыгын, кол коюлгандыгын жана окулгандыгын текшериңиз.
- Толук эмес же туура эмес толтурулган арыздар каралбайт.
- Белгиленген мөөнөттөн кийин келип түшкөн арыздар кабыл алынбайт.
2-тап. Арыздарды баалоо
- Ички комиссия ар бир катышуучунун портфолиосун баалайт.
- Баалоонун негизинде өлкөнүн ар бир районунан бирден, жалпы төрт жеңүүчү тандалат.
- Ар бир жеңүүчү конкурстун жыйынтыгы жөнүндө жеке кабардар болот.
Эскертүү:
Тандоо командасы Конкурстун жеңүүчүлөрү менен гана байланышат. Эгер сиз 2025-жылдын октябрь айынын аягына чейин билдирүү албасаңыз, тилекке каршы, сиздин арызыңыз тандалган жок.
-
- Өтүнмөнүн этаптары жана мөөнөттөрү
|
Стипендиялык программаны жарыялоо |
18-сентябрь, 2025-жыл. |
|
Арыздарды кабыл алуу мөөнөтү |
15-октябрь, 2025-жыл. |
|
Комиссия тарабынан арыздарды кароо жана баалоо |
2025-жылдын октябрь айынын ортосу. |
|
Жеңүүчүлөрдү жарыялоо |
2025-жылдын октябрь айынын аягы. |
|
Сыйлык тапшыруу аземи |
2025-жылдын октябрынын аягы-ноябрдын башында. |
Документтер орус же кыргыз тилдеринде PDF форматында берилиши керек.
Билдирмелер ж.б бардык маселелер боюнча Айтимбетова Айдайга кайрылыңыздар - aaitimbetova@goodneighbors.kg же номери боюнча +996 555 112 012