Арыз формасы кабыл алуу жарыясы
ШИН ДОН МИН СТИПЕНДИЯСЫНА АРЫЗ БЕРҮҮ НУСКАМАСЫ
Долбоордун аталышы: Шин Дон Мин стипендиялык программасы
Стипендиялардын саны: 4
Гранттын өлчөмү: 36,000 сом
Жаңы Тапшыруу мөөнөтү: 20 октябрь 2025, 23:59(Бишкек) чейин
kyrgyzrepublic@goodneighbors.org
Толтуруy формасы:
https://drive.google.com/drive/folders/1JVoDPZPB1BTtkZC0ARUcNPqQ9nuI1sGr?usp=drive_link
-
- Уюм жөнүндө:
Good Neighbors - 1991-жылдан бери 40 өлкөдө иштеген эл аралык гуманитардык уюм. Уюм жамааттарды өнүктүрүүгө, балдардын укуктарын коргоого жана билим алууга жана саламаттыкты сактоого жеткиликтүүлүктү кеңейтүүгө багытталган. Кыргызстанда Good Neighbors 2014-жылдан бери айыл аймактарын социалдык жана экономикалык жактан өнүктүрүү, жашоо шартын, балдардын жана аялдардын укуктарын жакшыртуу, ошондой эле калктын экономикалык бакубаттуулугун колдоо менен иштеп келет. Уюм жергиликтүү жамааттар жана бийлик органдары менен активдүү кызматташат, болгон өнөктөштүктү бекемдейт жана жаңыларын түзөт. Азыр Good Neighbors коомчулукту өнүктүрүү боюнча бир нече долбоорлорду, анын ичинде Корея эл аралык кызматташтык агенттиги (KOICA) менен көп жылдык долбоорду ишке ашырууда.
-
- Жалпы жобо
Стипендиялык программа айыл жериндеги жаштарга университет жана колледждерге кирүү үчүн каржылык колдоо көрсөтүп, 1-жылдык окуу акысын жарым-жартылай же толугу менен жабат. Сынак 2025-жылдын сентябрында университеттин/колледждин биринчи курска кирген, демөөрчү жана мурунку демөөрчү болгон балдар үчүн ачык. Бардыгы болуп төрт стипендия бөлүнөт, алардын ар бири 36 000 сомдон. Программа айыл жерлеринен келген студенттердин каржылык жүгүн азайтууга жана сапаттуу билим алууга бирдей мүмкүнчүлүктү камсыз кылууга багытталган. Стипендия университеттин же колледждин окуу акысын төлөө үчүн гана берилет, андыктан жеңүүчүлөр төлөмдү тастыктаган тиешелүү документтерди тапшырышы керек.
-
- Катышуу критерийлери
Өтүнмө ээси төмөнкү талаптарга жооп бериши керек:
- Демөөрчүлүк программасынын учурдагы же мурдагы катышуучусу болуу;
- 2025-2026-окуу жылында күндүзгү университеттин же колледждин биринчи курсунун студенти болуу (контракттык негизде окуугандар үчүн);
- Жашаган жери боюнча төмөнкү айыл өкмөттөрдүн биринде катталууга тийиш:
- Төмөнкү-Чүй айыл өкмөтү (Сокулук району, Чүй облусу);
- Болот Мамбетов айыл өкмөтү (Тоң району, Ысык-Көл облусу);
- Абды Сүйркулов айыл өкмөтү (Токтогул району, Жалал-Абад облусу);
- Үч-Терек айыл өкмөтү (Токтогул району, Жалал-Абад облусу);
- Жапалак айыл өкмөтү;
- Жогорку академиялык жетишкендикке (Ош ш.);
- Окуудан тышкаркы иш-чараларга (волонтердук, клубдар, конкурстар ж.б.) катышуу
-
- Документтерди берүү
Сынакка катышуу үчүн документтердин толук пакетин даярдап, 15-октябрга чейин 2025-жыл, 23:59 (Бишкек убактысы боюнча) электрондук почтага жөнөтүү зарыл kyrgyzrepublic@goodneighbors.org.
Документтердин пакети төмөнкүлөрдү камтыйт:
- толтурулган жана кол коюлган арыз (1-тиркеме); Толтуруy формасы: https://drive.google.com/drive/folders/1JVoDPZPB1BTtkZC0ARUcNPqQ9nuI1sGr?usp=drive_link
- университеттин же колледждин студенти экениңизди тастыктаган күбөлүк/тастыктама;
- окуу акысын тастыктаган документ (окуу формасын көрсөтүү менен келишимдин көчүрмөсү – акы төлөнүүчү же акысыз, же акы төлөнгөндүгү тууралуу квитанция);
- билими тууралуу аттестат (9 — класс үчүн-колледж студенттери үчүн; 11 — класс үчүн-Университеттин студенттери үчүн);
- мугалимдин же мектептин/Университеттин администрациясынын сунуш каты.
-
- Тандоо процесси
Стипендиаттарды тандоо процесси эки этаптан турат:
1-тап. Документтерди текшерүү
- Электрондук почтага жөнөтүлгөн бардык документтер талапка ылайык текшерилет.
- Документтер топтому толук жана туура ирээттелген болгон шартта гана кийинги этапка катышууга уруксат берилет.
- 2-этапка пакетин тапшырган катышуучуларга гана уруксат берилет.
Көңүл буруңуз:
- Бардык документтердин туура толтурулгандыгын, кол коюлгандыгын жана окулгандыгын текшериңиз.
- Толук эмес же туура эмес толтурулган арыздар каралбайт.
- Белгиленген мөөнөттөн кийин келип түшкөн арыздар кабыл алынбайт.
2-тап. Арыздарды баалоо
- Ички комиссия ар бир катышуучунун портфолиосун баалайт.
- Баалоонун негизинде өлкөнүн ар бир районунан бирден, жалпы төрт жеңүүчү тандалат.
- Ар бир жеңүүчү конкурстун жыйынтыгы жөнүндө жеке кабардар болот.
Эскертүү:
Тандоо командасы Конкурстун жеңүүчүлөрү менен гана байланышат. Эгер сиз 2025-жылдын октябрь айынын аягына чейин билдирүү албасаңыз, тилекке каршы, сиздин арызыңыз тандалган жок.
-
- Өтүнмөнүн этаптары жана мөөнөттөрү
|
Стипендиялык программаны жарыялоо |
18-сентябрь, 2025-жыл. |
|
Арыздарды кабыл алуу мөөнөтү |
15-октябрь, 2025-жыл. |
|
Комиссия тарабынан арыздарды кароо жана баалоо |
2025-жылдын октябрь айынын ортосу. |
|
Жеңүүчүлөрдү жарыялоо |
2025-жылдын октябрь айынын аягы. |
|
Сыйлык тапшыруу аземи |
2025-жылдын октябрынын аягы-ноябрдын башында. |
Документтер орус же кыргыз тилдеринде PDF форматында берилиши керек.
Билдирмелер ж.б бардык маселелер боюнча Айтимбетова Айдайга кайрылыңыздар - aaitimbetova@goodneighbors.kg же номери боюнча +996 555 112 012
1. Сынак: «3–6 жаштагы балдар үчүн тиш щеткаларын жана пасталарын жеткирүү»
Долбоор жөнүндө: Чүй, Ысык-Көл, Жалал-Абад жана Ош облустарындагы 20 максаттуу бала бакчанын балдарын ооз көңдөйүнүн жеке гигиеналык каражаттары менен камсыздоо. Долбоор 3–6 жаштагы балдар үчүн 1 754 даана тиш щеткасын жана 1 754 даана тиш пастасын сатып алууну, ташууну жана түшүрүүнү камтыйт.
Коммерциялык сунуштарды тапшыруунун акыркы мөөнөтү: 2026-жылдын 25-сентябры, саат 17:30га чейин
Тапшыруу ыкмасы: «Поставка детских зубных щеток и паст» (3–6 жаштагы балдар үчүн тиш щеткаларын жана пасталарын жеткирүү) белгиси менен administration@goodneighbors.kg электрондук почтасына
Кеңири маалыматты tenders.kg сайтынан 14.09.2026-жылдагы №31764 «Сынак: 3–6 жаштагы балдар үчүн тиш щеткаларын жана тиш пасталарын сатып алуу жана жеткирүү» номери астынан караңыздар.
2. Сынак: «Мектепке чейинки курактагы балдар үчүн «Эмне үчүн тишти тазалоо маанилүү?» деген темада интерактивдүү программа өткөрүү»
Долбоор жөнүндө: Сокулук, Тон, Токтогул райондорунун жана Ош шаарынын бала бакчаларында 3–6 жаштагы балдар үчүн 20 кесипкөй интерактивдүү шоу-программаны (ар бири 1–1.5 сааттан) уюштуруу жана өткөрүү. Милдеттерге программаны иштеп чыгуу, үн аппаратурасы, костюмдар жана реквизиттер менен камсыздоо, ошондой эле жер-жерлерге чыгуу менен кеминде 4 аниматордон турган команданын иштөөсү кирет.
Коммерциялык сунуштарды тапшыруунун акыркы мөөнөтү: 2026-жылдын 25-сентябры, саат 17:30га чейин
Тапшыруу ыкмасы: «Проведение интерактивной программы» (Интерактивдүү программаны өткөрүү) белгиси менен administration@goodneighbors.kg электрондук почтасына
Кеңири маалыматты tenders.kg сайтынан 14.09.2026-жылдагы №31767 «Сынак: Мектепке чейинки курактагы балдар үчүн «Эмне үчүн тишти тазалоо маанилүү?» деген темада интерактивдүү программа өткөрүү» номери астынан караңыздар.
3. Сынак: «Бала бакча тарбиячыларын ооз көңдөйүнүн гигиенасы боюнча окутуу үчүн медициналык билими бар тренердин кызмат көрсөтүүлөрү»
Долбоор жөнүндө: 20 максаттуу бала бакчанын 110 тарбиячысы үчүн 3 сааттык практикалык тренингдерди өткөрүүгө медициналык билими бар квалификациялуу адисти тартуу. Программа окутуу жана презентациялык материалдарды иштеп чыгууну, окутууга чейинки жана кийинки билимди баалоону, ошондой эле жаактын кесипкөй макетин колдонуу менен тишти туура тазалоо техникасын практикалык көрсөтүүнү камтыйт.
Коммерциялык сунуштарды тапшыруунун акыркы мөөнөтү: 2026-жылдын 25-сентябры, саат 17:30га чейин
Тапшыруу ыкмасы: «Тренинг для воспитателей детских садов по вопросам гигиены полости рта» (Бала бакча тарбиячылары үчүн ооз көңдөйүнүн гигиенасы боюнча тренинг) белгиси менен administration@goodneighbors.kg электрондук почтасына
Кеңири маалыматты tenders.kg сайтынан 14.09.2026-жылдагы №31768 «Сынак: Бала бакча тарбиячыларын ооз көңдөйүнүн гигиенасы боюнча окутууну өткөрүү үчүн медициналык билими бар тренердин кызмат көрсөтүүсү» номери астынан караңыздар.
4. Сынак: «Сантехникалык жана курулуш материалдарын сатып алуу»
Долбоор жөнүндө: Сокулук районунун А. Токомбаев атындагы орто мектебинин (Камышановка айылы) жана Нижне-Чуйский мектебинин (Мирнин айылы) 1 060 окуучусу жана кызматкери үчүн "Суу, санитария, гигиена (WASH)" долбоорунун алкагында санитардык-гигиеналык инфраструктураны жакшыртуу. Долбоор соргуч (насос) жабдууларын, суу ысыткычтарды, аралаштыргычтарды (смеситель), түтүктөрдү, электр буюмдарын жана курулуш материалдарын сатып алууну, ташууну жана түшүрүүнү камтыйт.
Коммерциялык сунуштарды тапшыруунун акыркы мөөнөтү: 2026-жылдын 27-сентябры, саат 17:30га чейин
Тапшыруу ыкмасы: «Материалы WASH для школ с. Камышановка и с. Мирное» (Камышановка айылы жана Мирное айылындагы мектептер үчүн WASH материалдары) белгиси менен administration@goodneighbors.kg электрондук почтасына
Кеңири маалыматты tenders.kg сайтынан 15.09.2026-жылдагы №31784 «Сынак: Сантехникалык жана курулуш материалдарын сатып алуу» номери астынан караңыздар.
Жаш өткөн сайын үзгүлтүксүз диагностикадан өтүү өмүрлүк зарылчылыкка айланат, бирок жогорку чыгымдардан улам улгайган адамдар жана пенсионерлер үчүн заманбап клиникаларда толук текшерүүдөн өтүү дайыма эле жеткиликтүү боло бербейт.
Бишкекте жана Чүй облусунда балдары чет өлкөгө иштеп кетишкен улгайган этникалык корейлер аз эмес. Good Neighbors (2026) изилдөөсүнө ылайык, алардын 77,9% көз көйгөйлөрүнөн жабыркайт, ал эми 89,4% жеке офтальмологдордун кызматтарын төлөөгө мүмкүнчүлүгү жок. Өз убагында дарыланбаса, адамдар бара-бара көрүүсүнөн ажырап, жалгыздыкта калышат.
Бул каржылык барьерди жоюу үчүн Good Neighbors Kyrgyz Republic, Түштүк Кореянын Эл аралык саламаттыкты сактоо фонду (KOFIH) жана Кыргызстан корейлеринин коому менен биргеликте көз ооруларын акысыз диагностикалоо жана дарылоо долбоорун башташты. Мындай колдоонун башкы натыйжасы — коркунучтуу ооруларды өз убагында аныктоо: текшерүү учурунда катышуучулардын биринен дарыгерлер биринчи жолу катарактаны таап, зарыл болгон операцияга өз убагында багытташты.
Медосмотрдун катышуучусу менен маектен:
Ким Людмила, корей диаспорасынын өкүлү:
«Бул демөөрчүлүк жардам болбосо, мен мындай заманбап клиникага келе алмак эмесмин. Мени текшерип, катарактаны аныкташты — операция жасоону сунушташты. Пенсионерлерге диагностиканы төлөө оор, ошондуктан биз камкордук, дарыгерлердин кунт коюп мамиле жасаганы жана кезексиз сонун уюштурулганы үчүн абдан ыраазыбыз!»
Инстаграм видеосу
- Ар бир баланын өнүгүүсү үчүн коопсуз мейкиндик.
- Айылдык үй-бүлөлөр үчүн жаңы ресурстар жана билимдер.
- Өз турмушун жакшы жагына өзгөртүүгө кудуреттүү ынтымактуу коомчулук.
- Үстүртөн гана жардам эмес, өз күчүнө болгон ишенимди тартуулаган колдоо.
Жардам көрсөтүү окуяларынын баары эле камеранын объективине түшө бербейт. Бирок анын натыйжасы адамдардын жүрөгүндө калат.
2014-жылдан бери Good Neighbors Kyrgyzstan Кыргызстандын региондорундагы кедейликти жеңүү жана балдардын укуктарын коргоо багытында активдүү иш алып барууда. Айыл тургундары менен биргеликте биз ачкачылыкка жана айласыздыкка орун жок, ал эми өнүгүү, өз ара жардамдашуу жана ишенимдүү колдоо бар келечекти куруп жатабыз.
Ар бир кайрымдуу иш кичинекей кадамдан башталат. Сиз да ушул өзгөрүүлөрдүн бир бөлүгү болуп, балага бактылуу келечек тартуулай аласыз.
Биздин долбоорлорду кайрымдуулук каражат менен колдоңуздар — биргеликте биз дагы көптөгөн үй-бүлөлөргө жардам бере алабыз. 💚
Карусельдин аягындагы QR-кодду сканерлөө аркылуу кайрымдуулук кылсаңыз болот.