Арыз формасы кабыл алуу жарыясы
ШИН ДОН МИН СТИПЕНДИЯСЫНА АРЫЗ БЕРҮҮ НУСКАМАСЫ
Долбоордун аталышы: Шин Дон Мин стипендиялык программасы
Стипендиялардын саны: 4
Гранттын өлчөмү: 36,000 сом
Жаңы Тапшыруу мөөнөтү: 20 октябрь 2025, 23:59(Бишкек) чейин
kyrgyzrepublic@goodneighbors.org
Толтуруy формасы:
https://drive.google.com/drive/folders/1JVoDPZPB1BTtkZC0ARUcNPqQ9nuI1sGr?usp=drive_link
-
- Уюм жөнүндө:
Good Neighbors - 1991-жылдан бери 40 өлкөдө иштеген эл аралык гуманитардык уюм. Уюм жамааттарды өнүктүрүүгө, балдардын укуктарын коргоого жана билим алууга жана саламаттыкты сактоого жеткиликтүүлүктү кеңейтүүгө багытталган. Кыргызстанда Good Neighbors 2014-жылдан бери айыл аймактарын социалдык жана экономикалык жактан өнүктүрүү, жашоо шартын, балдардын жана аялдардын укуктарын жакшыртуу, ошондой эле калктын экономикалык бакубаттуулугун колдоо менен иштеп келет. Уюм жергиликтүү жамааттар жана бийлик органдары менен активдүү кызматташат, болгон өнөктөштүктү бекемдейт жана жаңыларын түзөт. Азыр Good Neighbors коомчулукту өнүктүрүү боюнча бир нече долбоорлорду, анын ичинде Корея эл аралык кызматташтык агенттиги (KOICA) менен көп жылдык долбоорду ишке ашырууда.
-
- Жалпы жобо
Стипендиялык программа айыл жериндеги жаштарга университет жана колледждерге кирүү үчүн каржылык колдоо көрсөтүп, 1-жылдык окуу акысын жарым-жартылай же толугу менен жабат. Сынак 2025-жылдын сентябрында университеттин/колледждин биринчи курска кирген, демөөрчү жана мурунку демөөрчү болгон балдар үчүн ачык. Бардыгы болуп төрт стипендия бөлүнөт, алардын ар бири 36 000 сомдон. Программа айыл жерлеринен келген студенттердин каржылык жүгүн азайтууга жана сапаттуу билим алууга бирдей мүмкүнчүлүктү камсыз кылууга багытталган. Стипендия университеттин же колледждин окуу акысын төлөө үчүн гана берилет, андыктан жеңүүчүлөр төлөмдү тастыктаган тиешелүү документтерди тапшырышы керек.
-
- Катышуу критерийлери
Өтүнмө ээси төмөнкү талаптарга жооп бериши керек:
- Демөөрчүлүк программасынын учурдагы же мурдагы катышуучусу болуу;
- 2025-2026-окуу жылында күндүзгү университеттин же колледждин биринчи курсунун студенти болуу (контракттык негизде окуугандар үчүн);
- Жашаган жери боюнча төмөнкү айыл өкмөттөрдүн биринде катталууга тийиш:
- Төмөнкү-Чүй айыл өкмөтү (Сокулук району, Чүй облусу);
- Болот Мамбетов айыл өкмөтү (Тоң району, Ысык-Көл облусу);
- Абды Сүйркулов айыл өкмөтү (Токтогул району, Жалал-Абад облусу);
- Үч-Терек айыл өкмөтү (Токтогул району, Жалал-Абад облусу);
- Жапалак айыл өкмөтү;
- Жогорку академиялык жетишкендикке (Ош ш.);
- Окуудан тышкаркы иш-чараларга (волонтердук, клубдар, конкурстар ж.б.) катышуу
-
- Документтерди берүү
Сынакка катышуу үчүн документтердин толук пакетин даярдап, 15-октябрга чейин 2025-жыл, 23:59 (Бишкек убактысы боюнча) электрондук почтага жөнөтүү зарыл kyrgyzrepublic@goodneighbors.org.
Документтердин пакети төмөнкүлөрдү камтыйт:
- толтурулган жана кол коюлган арыз (1-тиркеме); Толтуруy формасы: https://drive.google.com/drive/folders/1JVoDPZPB1BTtkZC0ARUcNPqQ9nuI1sGr?usp=drive_link
- университеттин же колледждин студенти экениңизди тастыктаган күбөлүк/тастыктама;
- окуу акысын тастыктаган документ (окуу формасын көрсөтүү менен келишимдин көчүрмөсү – акы төлөнүүчү же акысыз, же акы төлөнгөндүгү тууралуу квитанция);
- билими тууралуу аттестат (9 — класс үчүн-колледж студенттери үчүн; 11 — класс үчүн-Университеттин студенттери үчүн);
- мугалимдин же мектептин/Университеттин администрациясынын сунуш каты.
-
- Тандоо процесси
Стипендиаттарды тандоо процесси эки этаптан турат:
1-тап. Документтерди текшерүү
- Электрондук почтага жөнөтүлгөн бардык документтер талапка ылайык текшерилет.
- Документтер топтому толук жана туура ирээттелген болгон шартта гана кийинги этапка катышууга уруксат берилет.
- 2-этапка пакетин тапшырган катышуучуларга гана уруксат берилет.
Көңүл буруңуз:
- Бардык документтердин туура толтурулгандыгын, кол коюлгандыгын жана окулгандыгын текшериңиз.
- Толук эмес же туура эмес толтурулган арыздар каралбайт.
- Белгиленген мөөнөттөн кийин келип түшкөн арыздар кабыл алынбайт.
2-тап. Арыздарды баалоо
- Ички комиссия ар бир катышуучунун портфолиосун баалайт.
- Баалоонун негизинде өлкөнүн ар бир районунан бирден, жалпы төрт жеңүүчү тандалат.
- Ар бир жеңүүчү конкурстун жыйынтыгы жөнүндө жеке кабардар болот.
Эскертүү:
Тандоо командасы Конкурстун жеңүүчүлөрү менен гана байланышат. Эгер сиз 2025-жылдын октябрь айынын аягына чейин билдирүү албасаңыз, тилекке каршы, сиздин арызыңыз тандалган жок.
-
- Өтүнмөнүн этаптары жана мөөнөттөрү
|
Стипендиялык программаны жарыялоо |
18-сентябрь, 2025-жыл. |
|
Арыздарды кабыл алуу мөөнөтү |
15-октябрь, 2025-жыл. |
|
Комиссия тарабынан арыздарды кароо жана баалоо |
2025-жылдын октябрь айынын ортосу. |
|
Жеңүүчүлөрдү жарыялоо |
2025-жылдын октябрь айынын аягы. |
|
Сыйлык тапшыруу аземи |
2025-жылдын октябрынын аягы-ноябрдын башында. |
Документтер орус же кыргыз тилдеринде PDF форматында берилиши керек.
Билдирмелер ж.б бардык маселелер боюнча Айтимбетова Айдайга кайрылыңыздар - aaitimbetova@goodneighbors.kg же номери боюнча +996 555 112 012
Ош — бул жөн гана бай тарыхы бар байыркы шаар жана заңкайган Сулайман-Тоо эмес. Ош — эң биринчи кезекте, меймандостугу жана айкөлдүгү менен бизге күн сайын дем берген адамдар.
Бул видеодо биз Ош шаарын Good Neighbors Kyrgyz Republic командасы кандай көрсө, дал ошондой чагылдыргыбыз келди.
Биз бул кооз аймактын турмушунун бир бөлүгү болууга, өсүп келе жаткан муун үчүн коопсуз шарттарды түзүүгө жана үй-бүлөлөрдү ишенимдүү келечекке карай жолунда колдоого сыймыктанабыз.
Инстаграм видеосу
Балдардын ден соолугу жана бакубаттуулугу — биздин башкы артыкчылыгыбыз. «Clean Drinking Water in Kindergartens» долбоорунун алкагында Good Neighbors Kyrgyz Republic командасы 20 бала бакчага заманбап суу чыпкалоо (фильтрация) тутумдарын орнотууну ийгиликтүү аяктады.
Жабдуулардын үзгүлтүксүз жана узак мөөнөттүү иштешин камсыз кылуу үчүн ар бир бала бакчага кошумча 2 комплекттен алмаштыруучу фильтрлер өткөрүлүп берилди.
Бала бакчалардын жетекчилери жана кызматкерлери аткарылган иштер үчүн терең ыраазычылык билдиришип, балдарды күн сайын коопсуз жана сапаттуу ичүүчү суу менен камсыз кылуунун маанилүүлүгүн белгилешти.
Бул демилгени ишке ашыруу бала бакчалардагы шарттарды жакшыртууга жана өсүп келе жаткан муун үчүн дени сак келечекти түзүүгө көмөктөшкөнүнө кубанычтабыз!
27-сентябрда кыздар үчүн STEM-долбоорлору боюнча эл аралык STEMKYZ CUP 2026 чемпионаты болуп өттү — бул жаш ойлоп табуучуларды, насаатчыларды жана эксперттерди бириктирген жаркын окуя болду.
Биз, Good Neighbors Kyrgyz Republic, бул масштабдуу иш-чаранын өнөктөшү болууга жана өсүп келе жаткан жаш таланттарды колдоого кубанычта болдук. Чемпионаттын жүрүшүндө биз катышуучу кыздардын бири менен маектештик — Кыргызстандын жаштары кандай демилгелер жана илхам менен бөлүшөрүн видеодон угуңуздар!
Биз үчүн балдарды колдоо жана алардын өсүп-өнүгүүсүнө шарт түзүү — негизги артыкчылыктуу багыт болуп саналат. Инсандын, үй-бүлөнүн жана коомчулуктун өзүн-өзү ишке ашыруусун жана тынымсыз өнүгүүсүн колдоо боюнча маанилүү принцибибизди жетекчиликке алып, биз ушундай демилгелердин бир бөлүгү болууга жана ар бир баланын потенциалын ачууга көмөктөшүүгө сыймыктанабыз.
Ушундай күчтүү аянтчаны түзгөндүгү үчүн STEMKYZ уюштуруучуларына жана эмгеги, тайманбастыгы, ошондой эле дүйнөнү жакшы жагына өзгөртүүгө болгон умтулуусу үчүн бардык катышуучуларга ыраазычылык билдиребиз! 🚀✨
Инстаграм видеосу