КӨҢҮЛ БУРУҢУЗДАР! ТЕНДЕРЛЕР!
1. Коммерциялык сунуштарды суроо: «Теңтуш теңтушка» методологиясы, форум-театр жана куурчак театрын колдонуу боюнча тренерлер үчүн тренинг (ToT) өткөрүү
Долбоор жөнүндө:
4 пилоттук региондо (Ош, Жалал-Абад, Чүй, Ысык-Көл областтары) лидер-балдарды (13–17 жаштагы 43 өспүрүм), социалдык педагогдорду, мектеп психологдорун жана социалдык кызматкерлерди (41 адис) даярдоо. Долбоор «Теңтуш теңтушту окутат» мамилеси жана интерактивдүү театр методикалары аркылуу баланын укуктарын илгерилетүүгө, зомбулукту, буллингди жана дискриминацияны алдын алууга, ошондой эле жардам суроо көндүмдөрүн калыптандырууга багытталган.
Коммерциялык сунуштарды тапшыруунун акыркы мөөнөтү: 2026-жылдын 28-сентябры, саат 18:00гө чейин
Тапшыруу ыкмасы: «ТОТ по методологии «Равный равному» и применению форум-театра и кукольного театра» («Теңтуш теңтушка» методологиясы, форум-театр жана куурчак театрын колдонуу боюнча ТОТ) белгиси менен administration@goodneighbors.kg электрондук почтасына
Кеңири маалыматты tenders.kg сайтынан 16.09.2026-жылдагы №31826 «Коммерциялык сунуштарды суроо: Баланын укуктарын илгерилетүү, зомбулукту алдын алуу жана балдар арасында жардам суроо көндүмдөрүн калыптандыруу үчүн «Теңтуш теңтушка» методологиясы, форум-театр жана куурчак театрын колдонуу боюнча тренерлер үчүн тренинг (ToT) өткөрүү» номери астынан караңыздар.
2. Коммерциялык сунуштарды суроо: «Good Mama» долбоору боюнча маалыматтык-билим берүү материалдарын жаңыртуу жана эки күндүк окутуу иш-чараларын өткөрүү
Долбоор жөнүндө:
Медицина кызматкерлери, Айылдык ден соолук комитеттеринин (АДК) мүчөлөрү, кош бойлуу аялдар жана алардын жолдоштору үчүн маалыматтык-билим берүү материалдарын (эстеткичтер, жумушчу дептерлер, колдонмолор) актуалдаштыруу жана дизайнын иштеп чыгуу. Ошондой эле коопсуз кош бойлуулук, тамактануу, эмчек эмизүү жана баланы багуу боюнча билимин жогорулатууга багытталган 4 пилоттук региондогу (Ош, Жалал-Абад, Чүй, Ысык-Көл областтары) 40 медкызматкер/АДК мүчөсү жана жолдоштору менен 200 кош бойлуу аял үчүн эки күндүк интерактивдүү тренингдерди өткөрүү.
Коммерциялык сунуштарды тапшыруунун акыркы мөөнөтү: 2026-жылдын 28-сентябры, саат 17:00гө (18:00) чейин
Тапшыруу ыкмасы: «По проекту GOOD MAMA» (GOOD MAMA долбоору боюнча) белгиси менен administration@goodneighbors.kg электрондук почтасына
Кеңири маалыматты tenders.kg сайтынан 16.09.2026-жылдагы №31827 «Коммерциялык сунуштарды суроо: Медицина кызматкерлери, Айылдык ден соолук комитеттеринин (АДК) мүчөлөрү, кош бойлуу аялдар жана алардын жолдоштору үчүн маалыматтык-билим берүү материалдарын жаңыртуу жана эки күндүк окутуу иш-чараларын өткөрүү» номери астынан караңыздар.
3. Коммерциялык сунуштарды суроо: Комплекстүү медициналык кароо жана андан кийинки медициналык жардам
Долбоор жөнүндө:
Бишкек шаарындагы долбоордун 30 бенефициары үчүн комплекстүү медициналык кароону (Check-up) жана андан кийинки дарылоону/медицинско коштоону камсыз кылуу. Программа алгачкы кароону, лабораториялык жана инструменталдык изилдөөлөрдү (УЗИ, ЭКГ ж.б.), профилдик адистердин консультацияларын, ошондой эле медициналык көрсөтмөлөр болгон учурда терапиялык же хирургиялык дарылоону жекече дайындоону камтыйт.
Коммерциялык сунуштарды тапшыруунун акыркы мөөнөтү: 2026-жылдын 28-сентябры, саат 17:30га (18:00) чейин
Тапшыруу ыкмасы: «Оказание медицинских услуг» (Медициналык кызматтарды көрсөтүү) белгиси менен administration@goodneighbors.kg электрондук почтасына
Кеңири маалыматты tenders.kg сайтынан 18.09.2026-жылдагы №31871 «Коммерциялык сунуштарды суроо: Комплекстүү медициналык кароо жана андан кийинки медициналык жардам» номери астынан караңыздар.
Баткен облусунун губернаторунун администрациясы менен келишим түздү. Бул аймактагы негизги демилгелерди ишке ашыруу үчүн биздин өнөктөштүктү бекемдөөдөгү маанилүү кадам.
Учурдагы жана келечектеги демилгелерди талкууладык:
• Айылдарды Комплекстүү Өнүктүрүү Долбоору (IRDP)
• Билим берүү, саламаттык сактоо жана жаштарды өнүктүрүү чөйрөлөрүндөгү иштерди кеңейтүү
• Жергиликтүү өз алдынча башкаруу органдары жана жергиликтүү жамааттар менен кызматташуу
Биз Баткен областынын администрациясына региондун туруктуу өнүгүүсү үчүн биргелешип иштөөгө болгон ишеними жана даярдыгы үчүн ыраазычылык билдиребиз! 🌍✨
#Өнүгүү #билимберүү #жаштар #өнөктөштүк
🎉Эки айылдык мектепте: Төмөнкү-Чүй айылында (Көк-Чу CDP) (200гө жакын окуучу) жана Эшперов айылында (Болот Мамбетов CDP) (350гө жакын окуучу) заманбап санитардык комплекстердин ачылышы болду.
Жаңы курулган санитардык жайлар бардык окуучулардын, анын ичинде ден соолугунун мүмкүнчүлүгү чектелген балдардын (МЧБ) муктаждыктарын эске алуу менен, ошондой эле кыздар үчүн гигиеналык жана купуя шарттарды камсыз кылуу максатында долбоорлонгон. Ар бир комплекс пандус, жылуу суу менен жабдылган кол жуучу жайлар, жылытуу системасы жана купуя кабиналар менен камсыздалган.
Курулуш иштери бардык санитардык жана техникалык талаптарга ылайык жүргүзүлдү. Таштандыларды коопсуз жана экологиялык жактан таза түрдө утилдештирүү үчүн заманбап септиктер орнотулган.
Бул иш-чара ар бир бала өзүн коопсуз, ыңгайлуу жана сыйлуу сезе турган инклюзивдүү жана колдоочу чөйрөнү түзүүгө болгон чоң кадам болуп саналат.
🏆 IRDP айылдарына сыймык: Жоош жана Чоң-Алай республикалык сынакта жеңүүчү болушту! 🏆
Сиздер менен чоң кубанычтуу жаңылыкты бөлүшөбүз! Жоош жана Чоң-Алай айыл өкмөттөрү, биздин Интеграцияланган айылдык өнүктүрүү долбоору (IRDP) боюнча катышкан жамааттар, «2024-жылдын мыкты айыл өкмөтү» деген ардактуу наамга ээ болушту. Бул атаандаштыкка өлкө боюнча 235 айыл өкмөтүкатышып, Жоош 1-орунду, ал эми Чоң-Алай 3-орунду жеңип алышты! 🇰🇬✨
Бул республикалык конкурс ар жылы өткөрүлүп, эң мыкты башкарылган, жарандар активдүү катышкан жана туруктуу өнүгүүгө багытталган айыл өкмөттөрү аныкталат. Мындай жеңиш — бул эффективдүү башкаруунун, жарандардын биримдигинин жана муундан муунга өтчү оң өзгөрүүлөрдүн далили.
2021-жылдан бери Good Neighbors уюму KOICA менен биргеликте Кыргызстандын түштүгүндөгү 30 айылда төмөнкү багыттар боюнча иш алып барууда:
✅ Коомдук инфраструктураны жакшыртуу (мектептер, суу түтүктөрү, жолдор ж.б.)
✅ Жергиликтүү тургундардын киреше табуусун колдоо жана чакан ишкердикти өнүктүрүү
✅ Айымдардын коомдук турмушка активдүү катышуусун камсыз кылуу
✅ Айыл өкмөттөрдүн саясий жана башкаруу мүмкүнчүлүктөрүн бекемдөө
Жоош жана Чоң-Алайдагы бул чоң жетишкендик — эл менен жергиликтүү бийликтин тилектештигинин жана өз ара колдоосунун жемиши. Бул — бүтүндөй жамааттын жеңиши!
Жеңүүчүлөрдү чын дилибизден куттуктайбыз жана мындан ары да өнүгүүнүн үлгүсү боло берүүнү каалайбыз! 💪🏽🏡
#GoodNeighborsKyrgyzRepublic #KOICA #IRDP #ЖамаатӨнүгүүсү #Кыргызстан #АйылСыймыгы #АйылӨкмөтү2024 #ТуруктууӨнүгүү #БиргеӨзгөрүүгө